Ushairi

Nitetee Mola Wangu.

Tenzi :: Nitetee Mola Wangu

1 Nitetee Mola wangu
Wewe kimbilio langu
Duniani sina changu

2 Hali yangu vangu vangu
Nikulacho ni kichungu
Nimejawa naukungu

3 Siku ya tatu sijala
Na bado ni masajala
Nakesha kwenye jalala

4 Kuyaokota makopo
Ningeupata mkopo
Au ja kazi ya popo

5 Maisha yangu ni duni
Sina kitu mfukoni
Uzito upo kitwani

6 Muda wote ni majozi
Nacheka yaja machozi
Vitamu kwangu ni njozi

7 Njoo wangu muokozi
Nsije fanya udokozi
Kifo kiwe yangu dozi

(Malenga ni Abuuadillah)

Show More

Related Articles

Leave a Reply

Your email address will not be published. Required fields are marked *

Back to top button
Close
Close