Nipende vile nilivyo.

NIPENDE VILE NILIVYO.

Bora kuliweka wazi, nisije nikaumbuka.
Usinitazame vazi, kasema mwema mkaka.
Haya mambo ya kizazi, hupita kila dakika.
NIPENDE VILE NILIVYO, USIPENDE VAZI LANGU.🤣🤣

Vichapo nina vichapa, kila tunapo kutana.
Kwa pasi ninazichapa, deti tunapokutana.
Mie mwenza sina pupa, nalisema na mchana.
NIPENDE VILE NILIVYO, USIPENDE VAZI LANGU 🤣🤣

Mwenza nina dhalilika, hadhi njema kujitwika.
Takataka nina saka, ni yangu kazi mi Kaka.
Na kwenu nimeshafika, kuja beba takataka.
NIPENDE VILE NILIVYO, USIPENDE VAZI LANGU.🤣🤣

Kutakata ninataka, licha ya kazi ni duni.
Nakutaka Muhibaka, usidhani ni utani.
Kwa wazazi tutafika, tumuombe RAHAMANI.
NIPENDE VILE NILIVYO, USIPENDE VAZI LANGU.🤣🤣

Nina liweka dhahiri, ili usije kujuta.
Kwa kweli litafakari, ukweli uneupata.
Akujaliye KAHARI, kwa mwengine Bebi futa.
NIPENDE VILE NILIVYO, USIPENDE VAZI LANGU.🤣🤣

(Mtunzi ni Said Mruu)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s